«Ուրսուլա Լե Գուին»–ի խմբագրումների տարբերություն

Content deleted Content added
Նոր էջ «'''Ուրսուլա Լե Գուին''' (հոկտեմբերի 21, 1929), ամերիկացի գրող, վեպերի, պատմվածքների, մանկական գրքերի հեղ...»:
(Տարբերություն չկա)

08:58, 16 Հոկտեմբերի 2015-ի տարբերակ

Ուրսուլա Լե Գուին (հոկտեմբերի 21, 1929), ամերիկացի գրող, վեպերի, պատմվածքների, մանկական գրքերի հեղինակ։ Ստեղծագործում է հիմնականում ֆանտաստիկ գրականության ժանրում։ «Հյուգո» և «Նեբուլա» և այլ մրցանակների դափնեկիր[1]։

Քաղվածքներ

  • Գիտական ֆանտաստիկան չի կանխատեսում, նկարագրում է։
  • Զարմանալու բա՞ն է, որ ոչ մի իսկապես բարեկիրթ հասարակություն երբևէ չի վստահել իր արվեստագետներին։
  • Սակայն մեր հասարակությունը, անհանգստանալով և գլուխը կորցրած, առաջնորդություն փնտրելով, երբեմն կատարելապես սխալ է վստահում արվեստագետներին՝ նրանց դիմելով որպես մարգարեների և ապագայագատների։
Ես չեմ ասում, որ արվեստագետը չի կարող պայծառատես լինել, ներշնչվել, որ Ավենը չի կարող իջնել նրա վրա և որ աստված չի կարող խոսել նրա միջոցով։ Ո՞վ կլիներ արվեստագետը, եթե չհավատար, որ լինում է այդպես։ Եթե նա չիմանար, որ լինում է այդպես, որովհետև նա պիտի զգա իր մեջ իր լեզուն, իր ձեռքերը գործածող աստծուն։ Երևի ընդամենը մեկ անգամ, կյանքում մեկ անգամ։ Բայց մեկն էլ բավական է։
  • Վեպ կարդալով, ցանկացած վեպ կարդալով՝ մենք պետք է շատ լավ իմանանք, որ այն ամբողջովին մոգոնված է, և ապա, կարդալու ընթացքում հավատում ենք ամեն մի բառին։ Վերջում, երբ ավարտել ենք,-եթե վեպը լավն է,- մենք գուցե գտնենք, որ մի քիչ ուրիշ ենք, քան վեպը կարդալուց առաջ էինք, որ մի քիչ փոխվել ենք, ասես հանդիպել ենք նոր դեմք, անցնել մի փողոց, որ առաջ երբեք չէինք անցել։
Բայց շատ դժվար է ասել, թե հենց ինչ սովորեցինք, ինչպես փոխվեցինք։
Արվեստագետի գործը նրա հետ է, ինչը բառերով չի կարող ասվել։ Արվեստագետը, որի միջավայրը գեղարվեստական գրականությունն է, դա անում է բառերի միջոցով։ Վիպասանը բառերով ասում է այն, ինչը հնարավոր չէ ասել բառերով։

Ծանոթագրություններ


Աղբյուրներ

  • «Խավարի ձախ ձեռքը» գրքի հրատարակության առաջաբան (Ursula K. Le Guin, The left hand of darkness, Ace Book, 1976․)