«Ստանիսլավ Եժի Լեց»–ի խմբագրումների տարբերություն

* Երանի, այնքան լոսղ ունենայինք, ինչքան ականջ դնողներ:

* Խեղճ Երկրագունդ, մեր բոլոր ստվերները նրա վրա են ընկնում:

* Անգրագետները ստիպված են թելադրել:

* Անքնությունը այն դարաշրջանների հիվանդությունն է, երբ մարդկանց հրամայում են շատ բաների վրա աչք փակել:

* Զառանցա՞նք: Բայց նո՛ր:

* Գցիր առաջին քարը, հակառակ դեպքում քեզ նմանակող կկոչեն:

* Եթե մարդիկ իսկապես մեծ լինեին, աշխարհում շատ տեղ կլիներ:

* Սրտի և գլխի միջև ընթացող պայքարում վերջիվերջո հաղթում է ստամոքսը:

* Իրականության մեջ ամեն ինչ այնպես չէ, ինչպես իրականում:

* Մեծ ժամանակները կարող են իրենց մեջ պարփակել մեծ թվով փոքր մարդկանց:

* Մարդու մասին գիտելիքների գագաթը գաղտնի ոստիկանության արխիվն է:

* Ի սկզբանե խոսքն էր: Հետո եկավ լռությունը:

* Նրա մեջ զգացվում է մի մեծ դատարկություն, որը լի է բազմագիտակությամբ:

* Այնուամենայնիվ, կղկղանքի մեջ ինչ-որ բան կա՝ միլիոնավոր ճանճերը չեն կարող սխալվել:

* Լիլիպուտների երկրում պետության ղեկավարին թույլատրվում է նայել միայն խոշարացույցի միջով:

* Ճնճղուկը արծիվների համար նախատեսված վանդակում ազատ է:

* Հարություն առնել առանց սպանողների համաձայնության՝ ինչպիսի՛ համարձակություն:

* Չգիտես ինչու վախկոտները երբեք չեն վախենում պառկել հերոսների համար նախատեսված գերեզմանոցում:

* Միշտ կգտնվեն էսկիմոսներ, որոնք Կոնգոյի բնակիչների համար կանոններ կմշակեն, թե ինչպես պետք է վարվել շոգ եղանակի պայմաններում:

* Միշտ հետևիր կողմնացույցի սլաքին՝ այն գիտի երբ տատանվել:

* Ամեն ինչ պատրանք է: Իհարկե նաև նախորդ նախադասությունը:

* Ամեն ինչ մարդու ձեռքերում է: Այդ պատճառով էլ դրանք պետք է հաճախակի լվանալ:

* Աշխարհի բոլոր կապանքները մի շղթա են կազմում:

* Անգամ մարգարեի մորուքը կարելի է սափրել:

* Անգամ գահի վրա էլ է շալվարը մաշվում:

* Անգամ երազանքից կարելի է մուրաբա սարքել, եթե դրա մեջ միրգ ու շաքար ավելացնես:

* Փողը հոտ չունի, սակայն ցնդում է:

* Ձիերի և սիրահարների համար խարադեզը տարբեր է բուրում:

* Մտածողության համար ուղեղ է պետք, էլ չասենք՝ մարդ:

* Արդյոք պե՞տք է արվեստը հասկանալի լինի: Այո, բայց միայն նրանց համար, ում այն հասցեագրված է:

* Արդյո՞ք մարդիկ պետք է պողպատից լինեն: Ինձ երբեմն թվում է, որ ավելի լավ կլինի, եթե նրանք միս ու արյուն ունենան:

* Ճանապարհային նշանները կարող են մայրուղին լաբիրինթոսի վերածել:

* Ամբաստանագիր՝ esse homo:

* Եթե հայտարարես, որ սրբեր չկան, կնեղանան անգամ աթեիստները:

* Երբեմն այնքան աղբ է կուտակվում, որ այն դեն նետելը շռայլություն է թվում։

* Երբեմն երգիծանքը ստիպված է լինում վերականգնել այն, ինչ ոչնչացրել է պաթոսը։

* Երբեմն երգիծաբանը հուսահատության մեջ է ընկնում` նրան չի հաջողվում ավելի ծիծաղաշարժ լինել, քան ուրիշների պաթոսը։

* Ճշմարտությունը սովորաբար մեջտեղում է ընկած։ Հաճախ առանց տապանաքարի։

* Հուդաներն էլ սովորեցին խաչ կրել։

* Յուրաքանչյուր դար ունի իր միջնադարը։

* Յուրաքանչյուրը ծնվում է գահի համար պիտանի հետույքով։

* Մարդակերները փափկամարմիններին են սիրում։

* Երբ միֆը բախվում է մեկ այլ միֆի հետ, բախումը սովորաբար բավականին իրական է լինում։

* Երբ շոգեմեքենավարը նոր ուղիներ է փնտրում, գնացքը գծից դուրս է գալիս։

* Երբ ժողովուրդը ձայնազուրկ է, դա զգացվում է անգամ օրհներգի կատարման ժամանակ։

* Ո՞վ է ուսումնասիրում ապտակի վրայի մատնահետքերը։

 

* Դափնիները երբեմն գլխի մեջ արմատներ են թողնում։

* Թշնամու դեմքը ինձ վախեցնում է, երբ ես տեսնում եմ, ինչքան է այն նման իմ դեմքին։

* Սուտը տարբերվում է ճշմարտությունից նրանով, որ ճշմարտություն չէ։

* Հայրենիքի նկատմամբ սերը սահմաններ չի ճանաչում։

 

* Հանցագործության մայրը տխմարությունն է, սակայն նրա հայրերը հաճախ հանճարներ են:

 

==Աղբյուրներ==