«Ստանիսլավ Եժի Լեց»–ի խմբագրումների տարբերություն

* Վախենում եմ դատարկ հրացաններից՝ դրանցով գլուխներ են ջարդում:

* Զառանցա՞նք: Բայց նո՛ր:

* Լինելով բարձունքին՝ դու անդունդի եզրին ես:

* Եղիր այլասեր՝ հարգի՛ր այլոց եսասիրությունը:

* Անգամ նրա լռության մեջ քերականական սխալներ կային:

* Իրականության մեջ ամեն ինչ այնպես չէ, ինչպես իրականում:

* Մարդու մասին գիտելիքների գագաթը գաղտնի ոստիկանության արխիվն է:

* Արդյոք հավատո՞ւմ եմ ես Աստծուն: Չգիտես ինչու դրա մասին ինձ միշտ մարդիկ են հարցնում, բայց Նա՝ երբեք:

* Ժամանակի մեխանիզմով իսկական ռումբի մեջ պայթուցիկը ժամանակն է:

* Ի սկզբանե խոսքն էր: Հետո եկավ լռությունը:

* Քաղաքի մատակարարման ծրագրում նախատեսված են նաև անեկդոտներ: Այդ ուղղությամբ իշխանությունները ևս աշխատանք են տանում:

* Այնուամենայնիվ, կղկղանքի մեջ ինչ-որ բան կա՝ միլիոնավոր ճանճերը չեն կարող սխալվել:

* Չգիտես ինչու վախկոտները երբեք չեն վախենում պառկել հերոսների համար նախատեսված գերեզմանոցում:

* Ո՞ւմ եմ ես հավատում: Աստծուն, եթե նա, իհարկե, գոյություն ունի:

* Բոլոր մեծ ողբերգություննները վերջ ունեն, բայց ո՞վ կարող է նստած մնալ մինչև դրանց վերջը:

* Միշտ կգտնվեն էսկիմոսներ, որոնք Կոնգոյի բնակիչների համար կանոններ կմշակեն, թե ինչպես պետք է վարվել շոգ եղանակի պայմաններում:

* Աշխարհի բոլոր կապանքները մի շղթա են կազմում:

* Հանուն մարդու պետք է զոհաբերել ամեն ինչ, միայն թե ոչ այլ մարդկանց:

* Հիմարությունը չի ազատում մտածելու անհրաժեշտությունից:

* Ավելի լավ է ոչ թե հավատալ մարդուն, այլ վստահություն տածել նրա նկատմամբ:

* Հպարտորեն իրենց կրծքի վրա էին կրում պիտակները այն գնով, որոնցով նրանց չի կարելի առնել: