«Ստանիսլավ Եժի Լեց»–ի խմբագրումների տարբերություն

* Գցի'ր առաջին քարը, հակառակ դեպքում քեզ նմանակող կկոչեն։

* Լինելով բարձունքին՝ դու անդունդի եզրին ես։

* Սրտի և գլխի միջև ընթացող պայքարում վերջիվերջո հաղթում է ստամոքսը։

* Հավատարմության մեջ կա մի քիչ ծուլություն, մի քիչ վախ, մի քիչ հոգնածություն, մի քիչ պասիվություն, և երբեմն էլ մի քիչ հավատարմություն։

* Հանուն մարդու պետք է զոհաբերել ամեն ինչ, միայն թե ոչ այլ մարդկանց։

* Հարցնում եք՝ ինչի է հասել այս հեղինա՞կը։ Դե նա ուղղակի իջեցրել է ընդհանուր մակարդակը։

* Հիմարությունը չի ազատում մտածելու անհրաժեշտությունից։

* Ասում են՝ ատամները կորցրածի լեզուն ավելի ազատ է։

* Հպարտորեն իրենց կրծքի վրա էին կրում պիտակները այն գնով, որոնցով նրանց չի կարելի առնել։

* Լույսի և խավարի միջև սահմանը դո՜ւ ես։

* Անգամ գահի վրա էլ է շալվարը մաշվում։

* Շոկոլադ չես կթի, եթե անգամ կովին կակաո տաս։

* Փողը հոտ չունի, սակայն ցնդում է։

* Կղկղանքով կարելի է հետաքրքրվել միայն մի դեպքում՝ եթե այն պարարտանյութ է։

* Մտածողության համար ուղեղ է պետք, էլ չասենք՝ մարդ։

* Հատակ չկա։ Պարզապես ավելի խոր գնալ թույլ չեն տալիս։

* Ոգու կաստրատներն էլ են բարձր նոտաներ վերցնում։

* Այծին էլ սատանայի տեղ կդնեին, եթե նրա մեջ ինչ–որ մարդկային բան լիներ։

* «Մեկ խաչից կարելի էր երկու կախաղան պատրաստել»,-քամահրանքով ասաց մասնագետը։

* Մենք դեռ երկար դուրս չենք գա մի համակարգից՝ Արեգակնայինից։

* «Պառկի՛ր – վե՛ր կաց»` սա ընդամենը նորակոչիկների առօրյան է, «Մեռի՛ր – հարությո՛ւն առ»՝ ահա սա՛ է կյանքը։

* Թշնամու դեմքը ինձ վախեցնում է, երբ ես տեսնում եմ, ինչքան է այն նման իմ դեմքին։

* Օդափոխիչի հետ պայքարող ամեն մի գարշահոտ հակված է իրեն Դոն Կիխոտ համարելու։

* Հայրենիքի նկատմամբ սերը սահմաններ չի ճանաչում։

* Ստրուկների երազանքը. շուկա, որտեղ կարելի է տեր գնել։

* Կարծիքները հաճախ բաժանված են։ Ուժեղների միջև։

* Իրենց դարից առաջ անցածներից շատերը ստիպված եղան սպասել դրան ոչ այնքան հարմարավետ կեցավայրերում։

* Լուսատու դառնալ ձգտողներից շատերը հանգրվանեցին լապտերասյուների վրա։