Աբուլ Ֆարաջ

Աբուլ Ֆարաջ (արաբ.՝ أبو الفرج الأصفهاني‎‎, 897, Սպահան — նոյեմբերի 21, 967), արաբ բանաստեղծ, գիտնական։

Իլյուստրացիա Աբուլ Ֆարաջի «Երգերի գրքից»

Քաղվածքներ

• Զարմանալի է կառուցված մարդը, նա վշտանում է, երբ կորցնում է հարստությունը, և անտարբեր է այն բանի նկատմամբ, որ անվերադարձ անցնում են նրա կյանքի օրերը։
• Հիմարները նկատում են միայն մարդկանց վրիպումները և ուշադրություն չեն դարձնում նրանց արժանիքներին։ Նրանք նման են այն ճանճերին, որոնք ջանում են նստել մարմնի միայն բորբոքված մասի վրա։
• Այն հոգին, որի մեջ չկա իմաստություն, մեռած է։ Բայց եթե այն հարստացնես ուսուցմամբ, նա կվերակենդանանա խոպան հողի նման, որի վրա անձրև է տեղացել։
• Հիմարության նկատմամբ ներողամիտ վերաբերմունքը հատուկ է յուրաքանչյուր խելացի մարդու ։
• Իրեն հենց սկզբից պատշաճ ձևով պահող մարդը փրկված է խղճի խայթից։
• Հույս մի դնիր դյուրաբորբոք ընկերոջ վրա, եթե նա բնավորությամբ նույնիսկ բարի մարդէ։
• Ամենածանր վիրավորանքն այն է, որը գալիս է այնպիսի մարդուց, որին դու ոչ մի վատ բան չես արել։
• Լավագույն գովասանքն այն է, որը գալիս է այնպիսի մարդուց, որին դու ոչ մի լավ բան չես արել։
• Հարբեցողությունը բոլոր արատների մայրն է։
• Գինին չորս հատկություն է հաղորդում յուրաքանչյուրին, ով այն խմում է։ Սկզբում մարդ սկսում է նմանվել սիրամարգի՝ նա փքվում է, նրա շարժումները սահուն են ու վեհապանծ։ Այնուհետև նա ձեռք է բերում կապիկի բնավորություն և սկսում է բոլորի հետ կատակել ու կոկետություն անել։ Հետո նա նմանվում է առյուծի և դառնում է անձնասպան, գոռոզ, իր ուժերին վստահ։ Բայց վերջում նա վերածվում է խոզի և, նրա նման թավալվում է ցեխի մեջ։
• Ինչո՞ւ նախանձները ինչ որ բանից վշտացած են։ Որովհետև նրանց տանջում են ոչ միայն սեփական անհաջողությունները, այլև ուրիշների հաջողությունները։
• Սանձարձակությունը դրսևորվում է ոչ միայն արարքներում, այլև բառերում։
• Խուսափիր երկարաբանությունից, քանի որ այն նման է մեծ տարածության, որտեղ շատ են գայթաքարերը։
• Այն, ինչ թաքցնում ես թշնամուց, մի հայտնիր նաև բարեկամիդ, որովհետև երաշխիք չկա, թե բարեկամությունը հավիտյան կտևի։
• Ուտելիքը, որը չի մարսվում, ուտում է նրան, ով այն կերել է։
• Չափավորությունը բնության դաշնակիցն է և առողջության պահապանը։ Ուստի, երբ դուք խմում եք, երբ դուք ուտում եք, երբ շարժվում եք և նույնիսկ սիրում եք՝ պահպանեք չափավորություն։