Արամայիս Սահակյան

Արամայիս Ադամի Սահակյան (մայիսի 24, 1936, Բաշքենդ (այժմ՝ Արծվաշեն) — մարտի 14, 2013, Երևան), հայ գրող, երգիծաբան, բանաստեղծ, հրապարակախոս։

Քաղվածքներ

• Եթե ձեր ճամփին վատ մարդիկ տեսնեք,

Մի՛ կարծեք վատն են մարդիկ անխտիր։

Այդ նույնն է, եթե դաշտում փուշ տեսնեք

Եվ չնկատեք ծաղիկներն ընտիր։

• Արեգակին պետք է հեռվի՜ց նայել,

Կայրի՛, եթե շատ մոտենաս։

• Մեկին իբր սիրահարված

Կատակելով սեր ես հայտնում,

Բայց կատակը կամաց-կամաց

Լրջություն է մի օր դառնում։