Հանելուկներ կենդանիների մասին
Տես նաև Հանելուկներ - Տես նաև Հանելուկներ մեղուների և մեղրամթերքի մասին
Հանելուկներ կենդանիների մասին, հանելուկներ, որոնց լուծման առարկան հանդիսանում է կենդանական աշխարհի որևէ ներկայացուցիչ։
Հանելուկներ
խմբագրել- Ամբողջ օրը տանը մնում,
- Բեհեզ բարձի վրա քնում,
- Հենց որ մուկ է տեսնում հանկարծ,
- Բազեի պես որս է անում։
- (կատու)
- Չորս ոտք ունի, բայց շուն չի,
- Ձու է ածում, թռչուն չի,
- Խոտ է ուտում կովի պես,
- Պատյան ունի, բայց տուն չի։
- (կրիա)
- Ամբողջ օրը քուն չունի,
- Լայն դաշտերում տուն չունի,
- Ծաղկից ծաղիկ է թռչում,
- Փեթակ ունի, բուն չունի։
- (մեղու)
- Արքա չունեն, սակայն արագ
- Կազմում են մեծ, ահեղ բանակ,
- Հենց մտնում են արտը հասած՝
- Բերքն են հնձում առանց դանակ։
- (մորեխ)
- Նա ապրում է շարժուն տան մեջ,
- Ծտի նման խայտում անվերջ,
- Առավոտից մինչ իրիկուն
- Չունի հանգիստ ու չունի քուն։
- (ձուկ)
- Մարդիկ ինձ հյուր գան,
- Ես ողջ կմնամ,
- Մարդկանց հյուր գնամ,
- Ես կմահանամ։
- (ձուկ)
- Գիտե՞ք որն է այն գազանը,
- Որն նման է գամփռ շանը,
- Թշնամին է ողջ մարդկության,
- Ով սպանեց՝ պարգև կտան։
- (գայլ)
- Թեև թել չէ, կծիկ է,
- Բունն էլ բուն չէ, խցիկ է,
- Թեև ունի նա ականջ,
- Բայց չի լսում ոչ մի կանչ։
- (խխունջ)
- Ի՞նչ երգչախումբ է երգում անդադար,
- Ոչ նոտա ունի, ոչ էլ խմբավար։
- (ծտեր)
Արտաքին հղումներ
խմբագրել- ՀԱՆԵԼՈՒԿՆԵՐ, armenianhouse.org կայքում
- Մկրտիչ Կորյուն «Դասընկեր», «Հայաստան» հրատարակչություն, Երևան, 1967 թ.
