Անրի Բարբյուս

Անրի Բարբյուս (ֆր.՝ Henri Barbusse, մայիսի 17, 1873, Անյեր սյուր Սեն — օգոստոսի 30, 1935, Մոսկվա), ֆրանսիացի գրող, լրագրող և հասարակական գործիչ։

Անրի Բարբյուս (1928)

Քաղվածքներ

• Անհատը, ձուլվելով կոլեկտիվին, իրեն չի կորցնում։ Ընդհակառակն, նա կոլեկտիվում հասնում է գիտակցության և կատարելագործման բարձրագույն աստիճանի
• Առանձին մարդու կամ առանձին ազգի բարեկեցությունը կապված է բոլորի համար ընդհանուր բարեկեցության հետ։
• Ամենաբարձր իդեալների քարոզը ոչ մի բանի չի ծառայում, եթե չի տեսնում դրանց հասնելու դրական ուղին։
• Երբ առկա է բացահայտ կեղծիքը, ճշմարտության ակնհայտ խեղաթյուրումը, հարկավոր է հերքել այն։
• Ես ինքս ինձ կրկնում եմ, որ գերբնական ուժեր չկան, որ երկնքից ոչինչ չի ընկնում, որ ամեն ինչ մեր մեջ է և մեր ձեռքում։ Եվ թևավորված այդ հավատով, ես հայացքով գուրգուրում եմ դատարկ երկնքի, երկրային ամայության հնարավոր դրախտի հոյակապություն։
• Մենք խոսում ենք գիտակցության ու բանականության մեծ լեզվով, որի առջև անզոր է կրոնի լեզուն։
• Միայն կեղծ սրբերն ու թույլերն են կարիք զգում գայթակղության, ինչպես դեղորայքի։
• Արդարության գաղափարն անհերքելի է. այն աճում է բարոյական օրենքներից, բանականության օրենքներից և մասսաների բուն կյանքից. արդարությունը մի բառ է, որը լի է կյանքի բաբախյունով։
• Մեր հույսի ու հավատի աղբյուրը ճշմարտությունն է։
• Ճշմարտությունը հաղթահարում է ամեն մի տարածություն և չի կարող կասեցվել ոչ մի սահմանագծով։
• Հասկանալ կյանքը և այն սիրել ուրիշ էակի մեջ՝ դրանում է մարդու խնդիրը և դրանում է նրա տաղանդը. և յուրաքանչյուր ոք կարող է իրեն լիովին նվիրել միայն մեկ մարդու։
• Իր մահից հետո մարդը կարող է ապրել միայն երկրի վրա։