Գառնիկ Մանուկյան

Գառնիկ Մանուկյան (հուլիսի 20, 1940, Նորակերտ, Գեղարքունիքի մարզ, Հայաստան), հայ բանաստեղծ, արձակագիր։ Հայաստանի գրողների միության անդամ (1984)։

Քաղվածքներ

• Առաջին անգամ Եղեռնի մասին

Ու Վանի մասին, ու Հայոց դատի,

Ես լսել էի գաղթի գեհենից

Հազիվ մազապուրծ իմ Սուսուն տատից։

• Լինում են պահեր

Պահեր են լինում, այնպիսի պահեր,

Որ չեմ երազում ոչնչի մասին,

Ե՛վ հարստություն, և՛ փառք, և՛ անուն

Թվում են այնպես ավելորդ ու սին։

Մեջբերումներ Գառնիկ Մանուկյանի մասին

• Բանաստեղծ է, գալիս է ոչ թե գրքերից, ինչպես շատ երիտասարդներ, այլ` իրական կյանքից։

Համո Սահյան

• Ծաղկաձորի ստեղծագործական տան գրադարանում պատահաբար ձեռքս ընկավ Գառնիկ Մանուկյանի «Հիշողության հեռաստաններ» ժողովածուն։ Թերթեցի, աչքի անցկացրի մի քանի բանաստեղծություն, և… աննկատ թռավ ժամանակը։ Անկեղծ ասած` ինձ համար անհայտ բանաստեղծը հայտնություն եղավ։ Ես ծանոթացա իսկական բանաստեղծի հետ։

Գևորգ Էմին

• Քո գիրքը հաճելի հիշողության հեռաստաններ բացեց` ապրված, մոռացված հույզեր, հարազատ զգացումներ։ Շատ պատկերավոր խոսք կա. աշխարհընկալման յուրօրինակություն։ Ցանկանում եմ ստեղծագործական անակնկալներ։

Խաժակ Գյուլնազարյան

Աղբյուրներ

• Գառնիկ Մանուկյան