Քվենտին Դորվարդ
Քվենտին Դորվարդ, Վալտեր Սքոթի վեպը Ֆրանսիայի պատմության մասին։ Առաջին անգամ լույս է տեսել 1823 թվականին։ Ներկայացնում է Լյուդովիկոսն 11-րդի գահակալության ժամանակաշրջանի, նաև Ֆրանսիայի պատմության տարբեր ժամանակաշրջանների իրադարձությունները[1]։
Քաղվածքներ
խմբագրել- Լյուդովիկոսն իր էությամբ այն աստիճան վրիժառու էր ու դաժան, որ չգիտեր ո՛չ գթասրտության, ո՛չ ներողամտություն։ Նա միշտ այնքան զգույշ ու ճարպիկ էր գործում, որ նրա գաղտնի բանսարկությունների միտքը իրեն շրջապատող մարդիկ կռահում էին միայն այն բանից հետո, երբ նա իր նպատակին հասած էր լինում[1]։
- Նա նետվում էր վտանգի մեջ, որովհետև սիրում էր այդ, գրոհում էր դժվարություն ների վրա, որովհետև արհամարհում էր դրանք[1]։
- Սիրո վսեմ զգացմունքը և ասպետական քաջությունը իսպառ վերացել էին և այլևս չէին զարդարում քմահաճ խոսքի դարձվածքները[1]։
- Իսկական շոտլանդացի... Շատ նախնիներ, շատ հպարտություն և շատ քիչ փող գրպանում[1]։
- Երբեմն պատահում է, որ դիպվածորեն բաց թողնված մի խոսք խորտակում է օդային մի հոյակապ ամրոց, և չի կարելի ասել, որ մենք մշտապես շնորհակալ ենք լինում դրա համար[1]։
- Դու գուցե կհարցնես, թե ինչ է քաղաքականությունը։ Այն մի արվեստ է, որ հայտնագործել է մեր ֆրանսիական թագավորը` ուրիշի զենքերով կռվելու և սեփական զինվորներին ուրիշի գրպանից վճարելու արվեստը [1]։
- -Իսկ եթե քեզ բանտ նստեցնեն, ու՞ր կմնա այն ժամանակ քո գովաբանած ազատությունը։
- -Իմ մտքերի մեջ, որոնք ոչ մի շղթայով չեն կարող կապվել, - պատասխանեց գնչուն, - մինչդեռ ձեր դատողությունը, եթե նույնիսկ ձեր մարմինն ազատ է, կաշկանդված է ձեր օրենքներով և նախապաշարումներով, ձեր երազներով հասարակական և ընտանեկան պարտականությունների վերաբերյալ։ Այնպիսի մարդը, ինչպիսին ես եմ, հոգով ազատ է, եթե անգամ նրա մարմինը շղթայված լինի։ Դուք և ձեր նմանները շղթայված եք նույնիսկ այն ժամանակ, երբ ձեր ոտքերն ու ձեռքերը միանգամայն ազատ են[1]։
- -Մի՞թե ես նրան խնդրել էի ինձ բարերարություն անել։ Գնչու տղան շուն չէր, որպեսզի նրա ձեռքերը լիզեր։ Նա շղթայված գայլի ձագ էր, որ առաջին իսկ պատեհությամբ ջարդեց իր շղթաները և կրկին վերադարձավ անտառ[1]։
- Ծանր կամ սիրալիր խոսքերը ուրիշ բան չեն, եթե ոչ հողմ, որ կշեռքի նժարի վրա որևէ արժեք չի ներկայացնում[1]։
