Բացել գլխավոր ցանկը

Գեղեցկություն, գեղագիտական կատեգորիա, որ ենթադրում է օբյեկտի ասպեկտների կատարելություն ու ներդաշնակ համադրություն, ինչի շնորհիվ վերջինս դիտորդին պատճառում է գեղագիտական հաճույք։

Աշվարայա Ռայ
Miss Korea 08 Choi Bo in.jpg
Red and white hibiscus rosa-sinensis flower.jpg

ՔաղվածքներԽմբագրել

  • Հոգեկան հատկանիշները չեն կարող տառապել մարմնական այլանդակություններից, այնինչ հոգեկան գեղեցկությունն իր փայլը հաղորդում է նաև մարմնին[1]։
Սենեկա Կրտսեր
  • Գեղեցկությունը խաբուսիկ է, բայց՝ որակով թանկ, եթե դուք աղքատ եք կամ պակաս խելացի[1]։
Քին Խաբբարդ
  • Գեղեցկությունը կանանց հարստությունն է, հարստությունը՝ տղամարդու գեղեցկությունը[1]։
Կոնստանտին Մելիխան
  • Գեղեցկության կողքին խելքն ու սիրտը մշտապես աղքատ բարեկամների տպավորություն են գործում[1]։
Էտյեն Ռեյ
  • Իր գեղեցկությունն ու բուրմունքը չի կորցնում միայն այն ծաղիկը, որը մենք չենք պոկում[1]։
Օլջեր
  • Ամեն մի իր ունի իրեն բնորոշ գեղեցկությունը, և, եթե այն փոխադրվում է ինչ-որ ուրիշ բանի վրա, դառնում է այլանդակություն[1]։
Լուկիանոս
  • Այնտեղ, որտեղ բոլորը սապատավոր են, գեղեցիկ կազմվածքը դառնում է այլանդակություն[2]։
Օնորե դե Բալզակ
  • Ցանկացած վիճակ գեղեցիկ է, եթե այն բնական է[2]։
  • Գեղեցկությունն ամենուր հույժ ցանկալի հյուր է[2]։
  • Երբ իրը դառնում է օգտակար, դադարում է գեղեցիկ լինելուց[2]։
Վոլֆգանգ Գյոթե
  • Գեղեցկությունը բարոյական բարու խորհրդանիշն է[2]։
  • Գեղեցիկը այնպիսի բան է, որ վերաբերում է բացառապես ճաշակին[2]։
Էմանուել Կանտ
  • Գեղեցկությունը կփրկի աշխարհը[2]։
Ֆեոդոր Դոստոևսկի
  • Սիրողին հաճախ տգեղն էլ գեղեցիկ է թվում[2]։
Թեոկրիտոս
  • Գեղեցկությունն առանց հմայքի միևնույնն է, թե կարթն առանց խայծի[2]։
Աբրահամ Լինքոլն
  • Ինչ է գեղեցիկը, եթե ոչ փետուրներով զարդարված թութակ[3]։
Յան Կոմենսկի
  • Նա, ով ծանոթ չի եղել նախնիների ստեղծագործություններին, ապրել է՝ չճաշակելով գեղեցիկը[3]։
Հեգել
  • Նույնիսկ ամենագեղեցիկ կապիկը մարդու համեմատությամբ այլանդակ է[3]։
Հերակլիտ
  • Գեղեցիկ է թվում այն ամենը, ինչին սիրով ես նայում[3]։
Քրիստիան Մորգենշտեյն
  • Գեղեցիկը միայն ճշմարտության մեջ է[3]։
Ֆրիդրիխ Շիլլեր
  • Տխրության մեջ էլ գեղեցկություն կա[3]։
Չարլի Չապլին
  • Գեղեցիկը ձևի ու բովանդակության ներդաշնակությունն է[3]։
Նիկոլայ Չեռնիշևսկի
  • Գեղեցկությունն օղի է. չափավորն ախորժակ կբանա, իսկ չափազանցը կգինովցնե[3]։
Հակոբ Պարոնյան

Գեղեցիկ բաները արցունքի մեծ կծնանին[3]։

Ժոզեֆ Ռենան
  • Մենք ապրում ենք շրջապատված գեղեցիկով, բայց մենք հաճա՞խ ենք արդյոք նկատում այդ գեղեցիկը[3]։
Մարտիրոս Սարյան
  • Գեղեցկությունը սրտերին խաղաղություն բերելու ուժ ու շնորհք ունի[3]։
  • Ոչ ամեն գեղեցկություն է սեր ներշնչում. երբեմն այն աչք է շոյում, սակայն սրտեր չի նվաճում[3]։
Միգել դե Սերվանտես
  • Գոմաղբով լի կողովը գեղեցիկ է, եթե օգտակար է[3]։
Սոկրատես
  • Հիշի՛ր՝ ամեն գեղեցիկ լավ չէ, բայց ամեն լավ՝ գեղեցիկ է[4]։
Պարույր Սևակ
  • Գեղեցկությունն անցողիկ է կյանքում, բայց ոչ արվեստում[4]։
Լեոնարդո դա Վինչի
  • Ուժը հաղթում է ուժին, գեղեցկությունը հաղթում է բոլորին[4]։
Լոպե դե Վեգա
  • Գեղեցկությունը դիպվածի ու բարու ներդաշնակությունն է[4]։
Սիմոնա Վեյլ
  • Ամենագեղեցիկ իրը, դառնալով առօրյա, միշտ մի բան կորցնում է իր արժեքից[4]։
Վահրամ Փափազյան
  • Այն ամենը, ինչ գեղեցիկ է, բարոյական է[4]։
Գուստավ Ֆլոբեր
  • Հմայնքը, ինչպես և նազանքը, գեղեցկություն են շարժման մեջ[4]։
Գոտհոլդ Լեսսինգ
  • Գեղեցիկն աստվածային է, վեհը՝ մարդկային[4]։
Թեոդոր Ժուֆրուա
  • Եթե դու ունակ ես տեսնել գեղեցիկը, ապա դա միայն այն պատճառով, որ ներսումդ գեղեցիկն ես կրում։ Քանզի կյանքը նման է հայելու, որում յուրաքանչյուրը տեսնում է իր արտացոլումը[5]։
Պաուլո Կոելյո

ԾանոթագրություններԽմբագրել

  1. 1,0 1,1 1,2 1,3 1,4 1,5 Քաղվածքներ գեղեցկության մասին
  2. 2,0 2,1 2,2 2,3 2,4 2,5 2,6 2,7 2,8 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 88:
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 89:
  4. 4,0 4,1 4,2 4,3 4,4 4,5 4,6 4,7 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 90:
  5. Պաուլո Կոելյոի 40 ոգեշնչող ցիտատները mediamag.am կայքում


Կարդացե՛ք Գեղեցկություն հոդվածը նաև Վիքիպեդիայում:


Ընթերցե՛ք գեղեցկություն բառի բացատրությունը Հայերեն Վիքիբառարանում։