Ուսուցիչ
Ուսուցիչ, անձնավորություն, որ դասավանդում է դպրոցում, կրթություն է տալիս աշակերտներին։
Քաղվածքներ
խմբագրել- Յուրաքանչյուր գրագետ մարդ պարտական է ուսուցչին։ Հզոր է այն ազգը, որ ունի լավագույն ուսուցչություն։ Ծնողները երեխային տալիս են մարմին, իսկ ուսուցիչը՝ հոգի, բարի կամք և բարձրագույն իդեալներ[1]։
- Ուսուցչի հպարտությունը աշակերտներին տված նրանց գիտությունն է[1]։
- Յուրաքանչյուր ուսուցման ու դաստիարակության մեջ ամենագլխավորը ուսուցիչն է, նրա մտածելակերպը[1]։
- Վատ ուսուցիչը ճշմարտությունը մատուցում է, լավը՝ սովորեցնում է գտնել այն[1]։
- Ուսուցիչն աշակերտների հետ պետք է լինի եղբայրական սիրով, և այդ սերը պետք է զգան աշակերտները[1]։
- Ուսուցչի ապրելակերպը նրա մասնագիտական զինանոցի մի մասն է[1]։
- Նրանց, ում մոտ մենք սովորում ենք, կոչում ենք ուսուցիչներ, բայց մեզ սովորեցնողներից ոչ բոլորն են արժանի այդ կոչմանը[1]։
- Մանկավարժը մարդկային հոգու ճարտարապետն է[1]։
- Ուսուցիչն աշխատում է ամենապատասխանատու խնդրի վրա. նա ձևավորում է մարդուն[1]։
- Դասավանդումն արվեստ է, ինչպես նկարիչը, երաժիշտը, ստեղծագործական երկունք են ապրում, այնպես էլ ուսուցիչը տառապանք է ապրում, երբ նրան չի հաջողվում համախմբել դասարանը[1]։
- Գալիքը դպրոցական ուսուցչի ձեռքերում է[2]։
- Չափից դուրս խստությունը և կույր կարգապահությունը ուսուցչի անեծքն է աշակերտներին[2]։
- Ուսուցչի ամբողջ հպարտությունը աշակերտների մեջ է, նրա ցանած սերմերի աճի մեջ[2]։
- Իսկական ուսուցիչ կարող է դառնալ միայն նա, ով երբեք չի մոռանում, որ ինքը նույնպես երեխա է եղել[2]։
- Ուսուցիչը լավ դասի համար պատրաստվում է ամբողջ կյանքի ընթացքում[2]։
- Երեխան ատում է նրան, ով ծեծում է[2]։
- Եթե իմ դիրեկտորական աշխատանքը չարժանանար բոլոր մանկավարժների հավանությանը, ես դպրոցում չէի մնա նույնիսկ մեկ օր[2]։
- Եթե ուսուցիչն իր մեջ զուգակցում է սերը գործի ու աշակերտի նկատմամբ, նա կատարյալ ուսուցիչ է[2]։
Աղբյուրներ
խմբագրել
